Mtu mmoja auawa katika shambulizi la anga la Israel

 Mtu mmoja ameuawa katika shambulizi la anga lililofanywa na Israel kwenye nyumba moja kusini mwa Lebanon. 

Watu wengine zaidi ya saba wamejeruhiwa kwenye shambulizi hilo.Kulingana na vyanzo vya usalama vya Lebanon raia aliyeuwawa ni mwanamke na miongoni mwa waliojeruhiwa ni watoto.

Hata hivyo jeshi la Israel limesema linachunguza ripoti hiyo iliyotolewa na Shirika la Habari la Taifa la Lebanon.

Shambulizi la Israel limejiri baada ya Hezbollah inayoungwa mkono na Iran kudai kuhusika na mfululizo wa mashambulizi ya roketi na ndege zisizo na rubani kwenye vituo vya kijeshi vya Israel upande wa kaskazini.

Haya yanajiri huku wizara ya afya ya Gaza inayoendeshwa na Hamas imesema watu 37,266 wameuawa katika ukanda huo katika vita vilivyodumu kwa zaidi ya miezi minane kati ya Israel na wanamgambo wa Hamas.

 

About MWESI MEDIA

Asante Mfuatiliaji wa Mwesi Media Ukiwa na Maoni au Jambo lolote Kuhusu Taarifa Zetu Tafadhali Wasiliana nasi 0757 056 462 Asante na Endelea Kubaki nasi.