BIDEN, TRUMP WAZOA USHINDI KINYANG´ANYIRO CHA ´JUMANNE KUU´

Matokeo ya kura ya mchujo iliyofanyika siku ya Jumanne kwenye zaidi ya majimbo 15 ya Marekani yanaendelea kutolewa huku Rais Joe Biden na mpinzani wake Rais wa zamani Donald Trump wakijizolea ushindi wa majimbo mengi.

Kura hiyo ya mchujo ndiyo itakayoamua wanasiasa watakaopeperusha bendera ya vyama vikuu viwili katika uchaguzi wa rais nchini Marekani utakaofanyika mwezi Novemba.

Rais Joe Biden kutoka chama cha Democratic anawania muhula wa pili bila ushindani wowote mkubwa na inatazamiwa ndiye atakuwa mgombea wa chama hicho.

Kwa upande wa Republican, rais wa zamani wa Marekani, Donald Trump ndiye anapigiwa upatu wa kuwa tena mgombea, katika kile kinatazamwa kuwa uwekano wa mpambano mwingine kati yake na Biden aliyemshinda mwaka 2020.

Hadi mapema asubuhi, Biden tayari alikuwa ametangazwa mshindi kwenye majimbo kadhaa yaliyoshiriki kura ya mchujo ya jana Jumanne inayofahamika kama "Kinyang´anyiro cha Jumanne Kuu".

Biden ameshinda majimbo ya Oklahoma, Virginia, Tennesee, North Carolina, Vermont na Iowa. Mengine ni Maine, Utah, Minnesota, Texas na Massachusetts.

 

 

 

About MWESI MEDIA

Asante Mfuatiliaji wa Mwesi Media Ukiwa na Maoni au Jambo lolote Kuhusu Taarifa Zetu Tafadhali Wasiliana nasi 0757 056 462 Asante na Endelea Kubaki nasi.