HALI YA USALAMA DUNIANI INAZIDI KUWA MBAYA- GUTERRES

 

      Katibu Mkuu wa Umoja wa Mataifa Antonio Guterres

Katibu Mkuu wa Umoja wa Mataifa Antonio Guterres amesema makundi ya wapiganaji katika mataifa kama vile Jamhuri ya Kidemorasia ya Kongo, Myanmar, Ukraine, Sudan na Ukanda wa Gaza yanapuuza sheria za kimataifa.

Antonio Guterres ametoa wito kwa viongozi kujitolea kwa ajili ya amani na usalama duniani kote na kuheshimiwa kwa haki za binadamu.

Akizungumza wakati wa kikao chake cha kwanza cha baraza la haki za kibinadamu la Umoja wa Mataifa mjini Geneva, Katibu Mkuu huyo ametahadharisha kuwa hali ya usalama inazidi kuwa mbaya duniani.

Ameongeza kuwa, mizozo duniani inawasababishia watu mateso makubwa na haki zao binadamu kutoheshimiwa.

Guterres pia amelitetea shirika la Umoja wa Mataifa la kuwahudumia wakimbizi wa Kipalestina UNRWA, akilitaja kama uti wa mgongo kwa juhudi za usaidizi katika ukanda wa Gaza wakati linakabiliwa na shinikizo la kutaka kuvunjwa.

"Moja ya ahadi ya ulinzi ya mashirika yote ya Umoja wa Mataifa ni kufanya kila linalowezekana kulinda watu."

Naye Kamishna Mkuu wa Umoja wa Mataifa wa Haki za Kibinadamu Volker Türk ametahadharisha kuwa kazi ya chombo hicho iko hatarini kutokana na kile alichokiita kuwa "majaribio ya kuendelea kudhoofisha uhalali na kazi ya Umoja wa Mataifa na taasisi nyingine".

About MWESI MEDIA

Asante Mfuatiliaji wa Mwesi Media Ukiwa na Maoni au Jambo lolote Kuhusu Taarifa Zetu Tafadhali Wasiliana nasi 0757 056 462 Asante na Endelea Kubaki nasi.